Most Wanted Person sa CALABARZON na may kasong Arson

Arestado ang Most Wanted Person ng CALABARZON (Regional Level) sa kasong Arson sa isinagawang Operation ng pinagsamasamang Tracker Team ng Rosario MPS, mga miyembro ng RIU 4A-PIT Batangas, PIU Batangas, Batangas Maritime Police Station, SOU 3 at Maritime Group nito lamang umaga, Hunyo 19, 2023.

Sa pamumuno ni Provincial Director Police Colonel RAINERIO M DE CHAVEZ sa ilalim ng pangangasiwa ni Police Regional Office CALABARZON Regional Director Police Brigadier General CARLITO M GACES, kinilala ang suspek na si Emhel Reyes y Almarez alias Emil/Ungay, 25 taong gulang, walang asawa at nakatira sa nasabing bayan. Naaresto ang akusado sa bisa ng Alyas Warrant of Arrest na inisyu ng Presiding Judge ng Regional Trial Court, Branch 8, Pallocan West, Batangas City na may petsang Agosto 02, 2019 at walang rekomendadong piyansa.

Naganap umano ang krimen noong Hunyo 09, 2018 bandang 09:30 ng umaga sa San Pascual, Batangas na nagdulot ng pinsala sa tirahan ng mag-asawang si Reynaldo at Leticia Hornilla. Umabot sa Php 100, 000.00 ang halaga ng naging pinsalang ari-arian. At ang biktima ay nagsampa ng pormal na reklamo laban sa akusado kaya naman, inilabas ang Warrant of Arrest.

“Ang Pambansang Pulisya ay hindi tumitigil sa paghuli sa mga taong may pananagutan sa batas upang maibigay ang hustisya sa mga naging biktima nito.”. –PCOL DE CHAVEZ